ონწე

From Wikisource
Jump to navigation Jump to search
please do not remove empty parameters (see the template documentation).
ონწე
by თენგიზ ფეტელავა

ცხვინშე გეგმიბღჷ ჩქიმი ონწე,
ნამსით ბრელი ქიდიბკვანწე,
დიდაშჷ ძუძუშჷ გინნარულეფი
არტახეფი გელაბკონწე.
იკვანწალუ ჩქიმი ონწე,
ბაღანობა აშო მორწყე,
ბონდოია მოსისმარუ
გურიშჷ მართუს ქენოონწყვე.
ვაგმარზინუ ნტერალაშა,
წყურგილეფიშჷ ჸუმენითჷ,
ქიმობრთჷ ოდაბადეშა დო
ჭეჭეთობა ღუმენითჷ.
ჩქიჩქობაში მინდორეფი
პეულერი მირკიანცჷ,
დეკვირითი ინგირიწყარცჷ,
მის უჩქ მუსუ მიდიარცჷ,
მიშჷ ჭუეფცჷ მიდიარცჷ,
მიშჷ სისმარეფს მიდიარცჷ,
ბჟა დო თუთაშჷ ბოწოწეფი
მართუს ენიირკიალცჷ!
ქიმიკითხეთ მაჸალეფჷ,
ონწეს რინა ვაჩანდას,
გიმათუთაშჷ ფურცელეფი,
ჟინ-ბორიას ვაფშანდას!
მიკვანწალუ ჩქიმი ონწე,
სქანჷ სიხოლათ მიკვანწალე,
მიკვანწალე, გოლვაფირო,
ბონდო ბირას დიგანძალე...