ნ-ცას

by დანიელ ფიფია

please do not remove empty parameters (see the template documentation).

ნ-ცას by დანიელ ფიფია

წყუ: ბორჯი, დანიელ ფიფია, გიშმაშქ. "ივერიონი", 2014 ხ. 20-21 წ.

ირო დო ირო იროში უკული
სოიშახ იპიქი ვაბღურუქ თეში,
დინდარი ვორდა ოქროშ ტუფლამი
ოკონ მორკდას საჩაფლოთ მეში,
ჟი ვორდა გოკონ ფურინაფილი
ხარხიში ჸოროფათ გადიდებული,
მენცარობაშა მეჭირნაფილი
ირი ჯგირი-ფურცუ გაჩინებული.
ოკონ იპუა ბუგა ლუგაქჷ
მიღუნჷ თი ჭკუაქჷთი ქომიფურინას,
სი გუმოჭყორდჷქ, ვამაშუაფუქ,
ეშა იშენით ვაგაშქურინას.
ბორჯიში ბარბალი მეურც, მირგინუ,
თიში სიმონკას მიქ აწუდირთას,
მარა მის უჩქჷ ეგებ თე ბარბალქ
ართიშახ მორძგვიშე ჩქინოთ ქიდირთას,
დო ვადირთუდა, ქათომჭყანჭყუდა
მუჭო უსხუნუნჷ თეში ტურინას,
სი იშენჷ მუთუნც ვაგაიჭირენქჷ,
სი იშენჷ თეშათ ვაგაშქურინას.

                31.X.1921წ.
                საუფლისწულოს ქ. №23