ნაჭყა
Jump to navigation
Jump to search
"ჩქი ირკოჩი ღორონთიშ
აჸვილარეფ ვორეთ"
ნიცშე
ღორონთ დოჸვილით,
შურ გატებაფეთ,
ვაგგატიბუნა
ანწი განგება,
ელსამეთიში
კარს ვაგოინჯანა,
ვართ თე ქჲანას
დუგამარგენა...
მუთუნ ვაარსენს
ღორონთიშ ეშე,
არძა მურიცხის
ღორონთ ენოხე,
მუდგაქ მაღოლას,
ღორონთიშ ხეშე
იშენით გურშა,
შურშა ენომხე...
ათეს ფიფქრე დო
მიკვე ართ ამბე:
ღორონთს ჯგირ კათა
მუშენ მეჸუნსჷ...
ღორონთშე ფიფქრე
ართ ამბე მიკვე:
ნაჭყა ჭყელიშა
მუშენ ვემურსჷ?..