ნაჩინებჷ სახეეფ
| ნაჩინებჷ სახეეფ by |
| ორიგინალური ნინა ინგლისური. ორიგინალური ჯოხოდვალა The Old Familiar Faces. გინმათანგალი მარინა ფაჩულია - პაპუაშვილი |
ბაღანობას მიჸუნდუ, მაჸალეეფ თიცალი,
ართო ვორდით დღაშ დო სერ, ბღურუდითჷ ხიოლს,
მუნერო რე დებჯერაო, ასე, არძა, კინოხს.
ბირათ დო სხაპუათ, შუმას გოპუნაფუთჷ,
სერეფ ართო მიტახუნა, დუდ იჭყანდჷ რსიოლს,
მუნერო რე, თენა ირფელ, ქომწით, ასე კინოხს.
ოსურპატონ, სქვამ დო ჯგირ, შურ დო გურით მიჸორდჷ,
გეგნმაკილჷ თიშა შარაქ, ვაბძირუნქჷ ამიორს,
მუნერო რე ირფელ, თენა, დოსკილადირ კინოხს.
მაჸალე პუნდჷ საფრსაკო, მითინს ვაყუნდ ფერ,
ქუგან დო ვიშ მივოტე, ქუაბუნ ეკოხონს
გურს მიჭუანს ირფელ თინა, მუთ ქუდომტებჷ, კინოხს.
ოროშნერო მიგორ შარა, ბაღანობას ნაველ ,
მუთ ბგორინჷ, მუთუნ ვაბძირჷ, წკვარამ ორკეშ გოხო,
მუნერო რე ირ კოჩი, მაშინალ კინოხონს.
მურე მიდა, სი, ნამუთჷ, მეირჩნქინ შურიშ გაბლათ,
გერჩქინდიკო, თი ოხორეს, მუაჩქიმიშ ჯოხოდჷ,
ართო ქოგიფშინანდითჷ სახეეფს, კინოხონს...
მინ, დოღურე, მის, მიდურთუმ, მინსჷთ ჩქიმდე უნტებ,
მინი ხოლო, მა მემტებჷ, ვამნარღებ ამიორს,
არძა შორს ქენოსკილადე, ართო რინაშ, კინოხს.
23 აპრილი, 2020