ნატურინა ფირქეფი

From Wikisource
Jump to navigation Jump to search
please do not remove empty parameters (see the template documentation).
ნატურინა ფირქეფი
by ზაალ ჯალაღონია

 თელ ვორექო, ვარ ნორთი,
 კარ გომინჯინ ვამნობრთი.

 ქოძირინი კიჟინი,
 თუდო გაგმებღჲ კინ ჟინი.

 ვამიჩქ, მი ვორდი, მუ ვორდი,
 მემიჩქ, ბორჯებც მუნვორდი.

 მაფშალია ვეჸუაფ ხომ ქოიჩქუ გორდინი,
 მარა ორთა ვაგშართჷნც, არძა უჸორც მორდილი.

 მის გაგინე მურენი ათე გურიშ დინოხჷ,
 მუშენი რე ქიანას თე ცა დუცუ მინოხუ.

 ამარ ჯაშე მიკიონტ ქაარწყექო ფურცელი,
 მარა თუდო მუ დოხვად, ხვალე ღურ დო ფურ ცელი.

 ქომოლ რექ-და გიჩქუდას, ირფელც ოკო გურზენი,
 გედირთი დო კიკონი, ნარღიშ უჩა ჸურზენი.

 სოფელც მუთუნ ვაგინუ, გვალო ჸუჯი დოლურსუ
 ხარხუნტიას უჯინექ ამარ კვინჩას გოლურცუ.
 ცაშე ჭვემა მოურც ვარ, სკან ჩილამურ ბშოლუნცუ.

 დუდი ვამაჩინებე, ვარა მა სი გიჩინე,
 მუზმა წანა მიღორებ, ხოლო მუზმა მიჯინე.

 ვაარწყეთო ქიანას, მუ ჸოროფათ გაცაცუნი,
 მუთუნ ვამკო თი კოჩიში, მისჷთ ღორონთ ვაწანცუნი.

 თონწყუ რინა ირფელც ოკო,
 ათაში ორე დარინალი.
 ღობერც გინოსხაპუნდენი.
 დიო ქოძირი კარ–მინალი.

 კოჩ ვორექ დო, ჭინჭა ვარ,
 მაფერ ვორექ, ინჭა ვარ.