ნამთინეფც
Jump to navigation
Jump to search
ჩქინო მუთი წმინდა რენი
თქვა გოკონა წიკვათჷნი,
ჩქინი ნინა, ჩქინი რინა
დიხას ქიმთაკირათჷნი.
ანთას წანემც უჭკადუნი
თაში ეფას ეკირთასი,
თენა მუშენ ვაიჩქჷნა
ვეჸი დღასი, ვეჸი დღასი!
ღურელც ქიმშაკოროცხით,
ვაი დო უი ქუბირით.
ნანა გურცუ ვარჭუნანი,
ნოტე ფერი მუ ძირით.
ღურელ ვა რე, გამწოდირთ
მის თქვა ჭარა გელუსქვით.
თქვა რობუ რეთ სარალეფი,
მუთ გოკონან თინა თქვით.
1914 წ.