მუ მოხიოლჷ დო მოწყინჷ
Jump to navigation
Jump to search
მოხიოლჷ ხობიწყარი
მუჟანც კაკაბიჯგურა რენი,
ქვინც ქვიშა გაკოროცხე,
ორწყექჷ მუდა ქუა რენი.
მოპწონც ნაცხაშ გაკნასოფა
კინი ართიანც აკათუნი,
ჭითათ ჭარგა კალმახეფი
პოპორც მიალა ჸაფუნი,
მოხიოლჷ მწვანე ბარხჩემც
მასკური უქაქალუანსი
ნუზუ დო ფიჭვიშ ეფშა
სი შურს ქუმოჲფერუანსი
მოხიოლჷ, ჸოროფილეფ
თაქ ართიანს ხვადჷნანი,
სქვამი ორთაში ნაშუმეფი
ულას ვემეხვადჷნანი.
მოწყინჷ, მუჟამსჷ ხობიწყარი
მიძინანც დო ილჷნსჷნი,
უჯინექ დო სილანდღვეთჷ
თოლი მუთას ძირჷნსჷნი.
მოწყინჷ, მუჟანც მოანტკეცე
კალმახასჷ ჭოფუნცუნი,
ის გური არდუ დო ჩქიმ გურცუ
თიშ ღვარკალით სოფუნცუნი.
მოწყინჷ, მუჟანც ზღვაურითჷ
ჩქიმ მასქური დითირჷნი,
ნუზუშ შურიშ მანგიორო
ლეტაშ შური მუნთჷრჷნი.
მოწყინჷ, მუჟანც ჸოროფილეფ
თაქი ათედროს მეულანი
დო ართიანიშ გურუძირაფ
განგანიშე მეულანი.