მუ მოპწონს უჩა დღაში

by კაპიტონ გახარია

please do not remove empty parameters (see the template documentation).

მუ მოპწონს უჩა დღაში by კაპიტონ გახარია

გაზეთი "მახარაია" #2(2) 2000წ. ხ.9

 
მუჟანც უჩა მუნაფასჷ
ზღვაური მოლანთჷრჷნცჷნი,
კჷრდებს ქიმკახვილანსჷდო
ვალით გაკოჭკრჷსჷნი,
მეხი გოლჷ დო, მუჟამც ნუზუ
კუმას ქაშადოხოდჷნი,
მაშკჷრჷტალი ვაჸუნცუ დო
თამამი დაჩხჷრჷ გოთხოზჷნი,
მუჟამც ათე უჩა დღათჷ
ნოტყელი ფოქვას დიკათჷნი,
დუდი მიოჩქჷ დარსხებულო
დო თის ფოცხვერი ქაკათუნი,
ნგერი დო მელას ნაშიბუთუ
მუჟამც თე დროს აკართუნი,
დო ჰარამი მენოტყელე
ჟი ახრაშე გამკანთხუნი...
ათე დროს მა ვამოპწონც,
ნუზუ დაჩხირს აშახენი,
ფოცხვერი ჯოგის აშერთუ დო
წყურგილი არძო ლანდღვერენი.
მარა ათე უჩა დღასჷ
ჩქიმდე ართ უღჷ მოწანაფა -
ნგერი დო მელაში აკორთაფა დო
მაჯინუში ჟიშე მოკონთხაფა.