მუშენ მიჸორს სამარგალო
Jump to navigation
Jump to search
მუშენ მიჸორს სამარგალო
გიწუათო ჯიმალეფი?
თიშენ ნამდა თიში შინაქ
ვამასვანჯუ ჩქიმ ტოლეფი,
კურცხეს წოხლე აწომირე,
ლურენჯისუ მოსიზმარუ,
ბაღანობა გუმაშინე,
თე ქიანა მოჭიჭარუ,
მარგალ ნინა იბირსუნი,
გურ იფშაფუ ხიოლითუ,
არძა მასქურს უძახუქუ
შორშა მიდამიონითუ,
თექ ხობწარი მიხვარჩალუ,
ჩქიმი ოზე მწვანეთ ფალუნს,
მეზობელიშ ტიბ ხონარი,
შურსუ არძო ტკასუ ცალუნს,
დიაჩქიმ დო მუაჩქიმი
მარგალურო ბირაშ რშვენსუ,
მუში ჯვეშის იშინანა
დო თე ჩილამურიშ ბწანსუ,
მუშე მიჸორს სამარგალო
ვაბკითხათუ გოლვაფირო,
მაფშალიაშ ხონარ მონატრ
დო თექ ვორექ ხვალე ჯგირო...