მუთი ქორწკინჷნსი, ირფელი ორქო ვა რე

by ჯვეში მარგალური პოეზია

please do not remove empty parameters (see the template documentation).

მუთი ქორწკინჷნსი, ირფელი ორქო ვა რე by ჯვეში მარგალური პოეზია

იოსებ ყიფშიძე "რჩეული თხზულებანი" თბ.1994წ. ხ.376-377

ართი ჸუდესჷ კჷდალასჷ
მუკობუდუ ჟჷრი გალია:
ართის კვინჩა მითოხერდჷ,
მაჟირასჷ მაფშალია.
ჟჷრიხოლო იბირდესჷ
მოწყინებაშ გაამათჷ;
მარა კვინჩას მუთ აბირე
მაფშალიაშ მაჰამათჷ?
მუჟანსჷთი მაფშალია
იბირდჷ დო ღურჭულანდჷ,
ჭიჭე ბოში მუში მუმას
ხვეწებასჷ დუუჭყანდჷ.
უსაშველეთ ოსხუპუნდჷ:
-- "ქომოძირი თი ჩიტია,
"ნამჷ რე თაში ღურჭულანსი;
"ბაბაშ ჭირი, მიწი თია!"
-- "მა ვა გიწინქ, შურიკია,
"სი თვითანჷ ქიმეხვადი;
"ჰა ჩიტეფი, გალიეფი:
"ძირი, მი რე დარდი-მარდი".
ბოშიქ ჩიტეფს დეეკვირჷ,
გაარჩქილჷ, გააჯინჷ;
სისქვამაქჷ დააღორჷ:
ჯგჷრიშა გურქ ვა აჩინჷ,
კვინჩას ხე მეუზიმუ
დო უწუუ მუში მუმასჷ:
-- "ბაბა, თე სქვამი ჩიტი რე,
"მუსჷთი ჯგჷრო ღურჭულანსჷ".