მორთი, ართი ქუმაჯუნი
Jump to navigation
Jump to search
მორთი, ართი ქუმაჯუნი,
ართი ხვალე, ართი ხვალე,
ართი ხვალე, სქანი ჭირი,
ართი ხვალე ქჷგჷგალე.
რული დინაფილი მაფუ,
მუ ფქიმინა, მუ გჷმალე,
სქანი ჸოროფათ ჭვილი ვორექ,
გური მუს უჩა ქჷგჷგალე.
აბა, მალას ქჷმაჭარი,
მუშოთ გოკო გამაწვალე.
ლასირი ვორექ, დამიბაღჷ,
დამიბაღჷ ქჷგჷგალე.
ინჭე, მორთი, მორთი, მორთი,
ვადოპილა ხვათახვალე,
ტყურათ მუსჷ გიკეთენცჷ
მა ბღურენი ქჷგჷგალე.
1920წ. თბილისი