მიშო ვორეთ მითჷ?

by სერგო წურწუმია

please do not remove empty parameters (see the template documentation).

მიშო ვორეთ მითჷ? by სერგო წურწუმია

   
ჯალეფიშო ჩქჷ იფრქენთჷ, ალბეთ,
ჩქჷ გობჩანა ნოჸელეფ დო ფალეფი...
მიოჩქჷნა თინეფც დიდი ამბეთ,
ნამდა, ჯალო ჩქჷ ვორეთჷ ჯალეფი...
ბორიაქჷ ჸალეფ ქჷდომირჩჷდა,
მუ მოხვარჷ, ხუჯეფი აკომრაგუნი?..
მურიცხეფშო მი ვორეთჷ, გიჩქჷდა?
მურიცხეფშო - მურიცხეფიშ მაგური!..
მის მუ უჩქჷ, მიშო ვორეთ მითჷ,
მუჟამშა დო მუშენ ვორეთ თაქჷნი?..
ცაქ ჩქჷნ მუკე იფაჩჷ დო ირთჷ,
ასე გურცუ მუთა ალმოთაკილჷ!..
მიდგა ვორდა... მუდგა ვორდა კჷნე,
ჯაშო - ჯა დო მურიცხიშო - მურიცხი...
ცა რე მუკი... ცა რე ხოლო წჷმე,
პულა-პულათ მოკო გინოპურისკი!..

ფრევალიში (ფურთუთაში) 5, 2015 წანა,
ქუთეში.