მიქ დინმობუ მა თე ტანს
მიქ დინმობუ მა თე ტანს,
მიქ კინმოჸოთ თე აკანს?
მუჭოთ ეფშა ღვინ ლაგვანს,
შურ ვენტირე შურო კანს.
დოხვილირიშ ფობია
დღაშე დღაშა მონძალუ,
თეზმა „ფილოსოფია“
ფრცუნს დო გვალო გობძვალუ.
დუდიშ ჭუა მაძინუ
ითამ ვორდე გაღიერ.
მის რე ათაქ გარზინუ...
ღიე, მუზმა გაღიენ!
მონკა მოკოდ ვორდიკო
ითამ ბოშის თე რინას,
დეფქექი დო ქობლ დიკი.
დობშულადექ გერინას.
თინერ გინა ალმორე
ითამ შურო ვავორდენ.
მიდგათ თოლშა ვამომრენ,
თინეფ არძა მა ვორდენ...
ჸინჩურ ნარაგადეფით,
ბრელ მაჸალე ვოდინე-
უშურ-ფერე ვარდეფით,
ჩქიმ თოლოწონ მოფინე...
გურიშ ჯერღვეფ დოფსქვი დო
დუდჸვილუა იბლამე...
ჩქინ ჸოროფა დოსქიდუ!
თოლ იბრჩხი დო იბლამე...