მის მუ უჸორც
Jump to navigation
Jump to search
ბურთის უჸორც დიდ მინდორი
თუხარიკის გჷრძე შარა,
ჸოროფილც–ძიცელ სახე
დო ვაჭარეფც – ბრელი ფარა.
მუშა კოცჷ მეტი მუშობა,
ჩალა კოცჷ – ბრელი რული,
პოეტის ლერს(ი) უჸორცჷ,
მეჩონგურეს, ჯგირ ჩონგური;
ჸვანაში მუშას – კვათჷრი ბერგი,
ხაზეიკას – ჯგირ ორტვინი,
ლოთი კოცჷ უჸორც ონტკა,
ტოლბაშის – უჩა ღვინი.
ჭყიშის უჸორც ოდიარე,
ჭკადჷს – ნოშქერი დო რკინა,
ზარმაცის უჸორც ლური,
ორგულც – დოხუნა დო ჯინა.
მაფშალიას უჸორც ბირა,
კალმახას,– მარჩხა წყარი,
მიჸორც მოხანდე ოჯახი –
გოძიცებული ჸვა დო წარი.