მით მუთ ოკო თქუასი

by ნიკოლოზ ადამია

please do not remove empty parameters (see the template documentation).

მით მუთ ოკო თქუასი by ნიკოლოზ ადამია

ნიკოლოზ ადამია "გომორძგუა სამარგალო სქანი" 2006წ.ხ.21

მით მუთ ოკო თქუასი,
წისქვილქ ოკო ქუასი,
მართალიში რაგადიშე
მითინქ ვედმენდურასი.

ჯიმალობას გიფუჩუანთ,
ვავრაგანდა ტყურასი,
ვაშმაგორუნს თე გირინი
მართალსი დო მტყუნასი.

ჯგირი კოსი თეშ მეთხოზუ,
მუჭო გერი ტურასი.
მარა კისერს მიტახუნსი,
თქვან დუდქ ვადმღურასი.

ცოდაშკითხირ მუჭო ვარე,
მენცარიში სქუასი
ურჯულოში გამნაჭყანი
არიგენდას ჭკუასი.

ჯგირი იშენ ჯგირი რე დო
მით მუთ ოკო თქუასი.
კოჩანათი ვუჯგუქია,
მითინქ ვედიცქუასი...

მით ზვიადის თხოზუდუ დო
ოოთანდუ ქუასი,
ვეშილებე თი ხალხისი
ცოდაქ ვაუფუას...

მით მუთ ოკო თქუასი,
წისქვილქ ოკო ქუასი.