მეუ ხორასანიშა
ჰეი, ნია, სო მეურქუ სოიშა მიფიორჷქჷ?
ხორასანიშ მაულარცჷ სანთელითჷ ბგორჷნქჷ.
ნარდი ვორექ თექიანი ოდაბადე ჩქიმირე,
თეურე მიდექაქალიდა ზიტყვა ქიმომჭირინე,
ჩქიმ დინოშე მა ვორექჷ ძალით გინოლაფირო,
ართი ოთხუალი მიღუ სქანი გოლუაფირო:
ჩქიმი შურცუ გოჸუნუა ქოქიმინი მარდია,
თი ქიანას ქჷგაჯინე სოდე ვორექ ნარდია.
ქიმურქუნი ქაფურინე ტორონჯიში ფსუაცალო
ხორასანიშ მარინჯეფი უჸორცჷშო სქუაცალო!
ქომრაგადე - ვემმართე, რჩჷნ ვორექჷ თებული
ცოცხალეფცჷ მეძინელი ღურელეფცჷ რკებული.
ჩქიმ იღბალი თაში ჸოფე შარას გილემგარენი,
ვაი, თი კათაში ცოდა, მუშ ქიანას ვარენი!
აბა, ნია, დიფაფალე, სქანი დუცუ მა ქჷგუალე,
მეუ ხორასანიშა, ჩქიმ ქიანა სქვამიშა!
აშო ამბე ქჷმომიღი მუდგათჸინი ღურაშა,
აბა ჯგჷრო,აბა ჯგჷრო ხორასანშე მულაშა!