მეტყურეფიში ქიანას

From Wikisource
Jump to navigation Jump to search
please do not remove empty parameters (see the template documentation).
მეტყურეფიშჲ ქიანას
by გიორგი სიჭინავა


მეტყურეფიშჲ ქიანას,
ბულც წილჷნა იანარც,
შურო ბირგულჲ ქჷგორგჷნდა
ულაქ ვადგეგვიანას!

ბულიშჲ ამბე, ამჭუანჲ,
გასიმესჷ ციორით,
ასე ირ კოჩჲ, კარაჩხამო,
გილერულე ხიოლით.

ჟი ზოჯესჷ: - ტყურეფიშა
მართალჲ ვამიწყორუათ,
კათაქ ოკო დოშურდას
ვარენჲ თიში გორუათ!

ღორებულეფჲ ონჯუაშა
ტყა დო გვალას ილენდეს..
ჭუმე ხოლო ვემიარკენა
ათეჯგუა იმენდეფც!