მერი (კოტე ნაჭყებია)

From Wikisource
Jump to navigation Jump to search
please do not remove empty parameters (see the template documentation).
მერი
by გალაკტიონი
ორიგინალური ნინა ქორთული. ორიგინალური ჯოხოდვალა მერი. გინმათანგალი კოტე ნაჭყებია

ჯვარს იჭარჷნდი თიმ სერსჷ, მერი,
მერი თიმ სერიში სქანჲ თოლიში ორო,
შურწყორილჲ ცაში ტყვაცი დო ფერი
გარგუებულჲ რდჷ, დამორჩლშორო.
გჷთოპანჯილი დო პელეტერი
რზჷდჷ სინთელე ცაშჲ მოჯღონელი,
სანთელშე მეტო სქანი სახეში ფერი
რდჷ ონოფულო გორჩიოლერი.
მიდგარენი ტკილემს განგარდჷ ტომბას,
მარწკინდიშ თოლემს ბორჲა კაკჷნდჷ,
რდჷ შეცოდება დო ომბოლობა,
დღასასთაულჲ დღას ინა ვაგჷდჷ.
იჭუდჺ ოხვამეში კონკი, კართეფი,
ვარდეფშე მიშჷ შური წყორილი,
შხვა რე ოსურიშჲ ჯინათ ხართელი
ხვამა ლახარათ გინოფორილი.
მარჩქილედ სქანი უღანკე ფუჩი,
ძვირფასი მერი, ამდღათ ვაბჯერსჷ,
მიჩქჷ წამება, _ გური ვაუჩი,
გურგინიშჲ თუდო მუ გოკოდ ჭკვერსჷ.
ნაოხვამერსჷ ჩოლერჲ ნოქურსუ
სოიშახ მეპუნდი, __ მომონკჷდ ჯინა,
ნარღიშჲ ბორია ალერქენდ გუსუ
დო ჩილამურო გიმოწენდ ჭვიმა.
ნაბადი ტანშა ქიგიბღილოზი,
უჭყვად ფირქეფიშჲ ბთქვაშჷნდჷ როხი,
ა, სქანი ჸუდეთჷ, მა თიშჲ ხოლოსჷ
დირაკილქჷ ღობერს ქიმკიბწილოხი.
თაქ მითაჟამსჷ გევორდი დახე,
ლანდარი ჩეჯალეფი, წკვარამიჯგუა,
მიჟგერთუანდეს ფურცელემს სახეს,
მუჭოთ ფურინელჲ არწივიშ სუას.
დო იღანკჷდეს ჩე ჯაში ჸალეფი,
მუშენჲ მის უჩქჷ, მის უჩქჷ, მერი,
იხურთქინჷდეს ჩქიმჲ მაჸალეფი
დო მა ბჸურანდი, ხვალახე გერი.
ქომწი, მერქაშნერი გჷთოთანაფაქ
მუშენჲ გეშქჷრტჷ, მიჩქჷდას მორო,
სოიშა გოქუცუ ჩქიმჲ თანაფაქჷ,
მუჭოთ ფურინელი არწივიშორო.
ცას გოძიცელო მუს უჯინედი,
მუშენი ბჭოფუნდი ჩხორიაშჲ სქვერსჷ,
,,მესაფულესჷ“ მის ვუჩინანდი,
ვარ მინ ირჩქილედ ჩქიმჲ „მა დო სერს“
ბორჲა დო ჭვიმაში ჭვეთემქჷ შხირქჷ
გურსჺ ჩილამურო ბრელშა გადირთჷ,
დო გობზურზულე, მუჭოთ ლირქჷ,
ლირქჷ, ირკოჩშე გოჭყოლადირქჷ.