მეზობელზედ რა კაცს თვალი უჭირავს
Jump to navigation
Jump to search
| მეზობელზედ რა კაცს თვალი უჭირავს ავტორი: საიათნოვა |
მეზობელზედ რა კაცს თვალი უჭირავს,
ის არა იქს გაცემასა-ჭამასა!
ავ კაცს რაში უნდა გვარიშვილობა, -
შეაგინებენ კაი მამასა!
ზოგი კაცი დადის ჭიანყელასავით,
გველის შხამი უძევს პირში იმ თავით!
ავი კაცის ჭირი იქნება ავით -
ნათქვამია, მე არ ვამბობ ამასა!..
ცუდი კაცი მკვდარივით აყუდია,
ან რათ უნდა, რათა ჰხურავს ქუდია?
აქლემივით ვინც რომ ტანში მრუდია,
რატომ იზავს ხიდზედ კისრის ზომასა?
თიხის ჯამი არ გახდება ჩინათა,
მუხის ქერქი კიდევ - დარიჩინათა!
საიათნოვა შეინახე ჩინათა,
ვერ იშოვი იმისთანა კარგ ყმასა!