მა დო სერი(ბონდო ტორუა)
Jump to navigation
Jump to search
მა დო სერი by |
ორიგინალური ნინა ქორთული. ორიგინალური ჯოხოდვალა მე და ღამე. გინმათანგალი ბონდო ტორუა |
ასე ბჭარუნქ, ვავოჯანუქ,
შქასერ იჭუ, ინკირუ,
მურიცხ ლერსის მირაგად,
ცას თუთა მირგინუ.
ორქოშ ზენწარ გინოქუნს
გოპიორელ ჩქიმ ოზეს,
ბორია უქვაჩალუანს
ვარდეფსუ დო მიმოზეფს.
ცა ლილაშფერ ლენტეფით
თეში ორე გონწერილი,
თეში ორე გონწერილი,
მუჭოთ რითმათ - თე წერილი.
არძა ფულირ ვეგიგებე,
გურშა ენოსაფულერი,
ყოროფილშა ვეგინდებე,
საშველ ვარე ვაფულენი.
მუ უჩქუნა ნათესეფს,
მუ ენოხე ჩქიმი გურს,
მუშენ ბტახუნქ მა თე სერს,
მუშენირე ვაბილურს.
ხვალე სერს - ორქოშ ფერს
გივენდი დო გოუცხადი,
მუშენ დობსქიდ თე სოფელს
ვარა მუშენ მოუცადი.
ვაგაგებე თინა შხვას,
მიდგაქ მუდგა მამორსენი,
ჩქი ჟირ ვორეთ თე სოფელს:
მა დო სერი, მა დო სერი.