მაფშალია'
Jump to navigation
Jump to search
| მაფშალია by [[Author:ოთარ აძიმბაია|]] |
| წყუ: ჟურნალი "ორნატი" #2 2003წ.ხ.75 |
სო რექ ჩქიმი გურიშ კილა,
ჩქიმ ზისნახე აფხაზეთი,
ნუთუ, მარდუალი დიხას
ჩქი ცხოვრება გავათეთი?!
ოხვამეფი ჩქინო ვარე,
ოჭკადურეფ ქიმწიპტეთი,
ეზოეფი გინორთელ რე
ჸვილირეფიშ ოხვამეთი.
სო რე ჩქიმი ოდაბადე,
ჩქიმი ფაცხა დო ჯარგვალია,
ქუმოფურინ, გურ გამიხარ,
ჩქიმი კუნთხუშ მაფშალია.
ჩქიმ ქიანაშ ცა მონატრუ,
მურიცხეფი ბარჩხალია,
თექ კოჩ ვარე სქან მარჩქილე,
იშენთ ქიბირ, მაფშალია.
ჩქიმ ჸუდეშა დორთას ბნატრე,
ღორონთ, გომინჯ ცაშ კარია,
დორთინაში იმენდ მუჩი,
ქომღურჭულე, მაფშალია.
სქუაღურელ დიდალემსი
უფერე დო არჩქალია
გურ ინგარსი ჩილამურით,
იბირ, ჩქიმი მაფშალია.