მაფა ნინა

by რამაზ კუპრა

please do not remove empty parameters (see the template documentation).

მაფა ნინა by რამაზ კუპრა

რამაზ კუპრა. ლაზონა დო მარგალონა 2009წ.ხ.41

ჸუდე - გედგჷ,
     ჯა - გეჩანს,
ხოჯ - გებიჯჷ,
    კოჩი - გერე...
შხვა ნინეფშა:
    ჸუდე - გერე,
ჯა გერე დო
    კოჩით გერე...
სოთინ,
    ნამთინ ნინა ვარე
ნინა მარგალურიშ გერე!..
    ვო, მარგალი,
სი სქან ნინას
    მუკულე დო
ქუმუფერე...
    აიეტიშ, ქუჯიშ ნინა
აღორონთი
    დღა დო სერეფს...
ვო, ჩქიმ ორქო,
    გოლვაფირო,
ძალამს ქორთხინქ
    ქუდამჯერე:
თე ცაშ თუდო
    კოს ვაგორე ნინა
მარგალურიშ გერე!..