მაფატიას უჩქუ ხვალე
Jump to navigation
Jump to search
გოლას გეხე თუთაშჷ ჯიმა,
სარკილი რე ცაშჲ გური,
თეში მოურს ჟიშე ჭვიმა,
მუჭოთ ზესკვიშჷ ჩილამური.
ქარ–ბორიას გებუ ზარა
ბჟა პის იბონს მუდა დღა რე,
ჩე ტორონჯეფჷ ტკარჩალანა
ტობა–ვარჩხილ სი ქოგგალე.
ათაქ, ათე ადგილეფსი
პეულ ხარენს ართი სქვამი.
მაფატიას უჩქუ ხვალე
მუ ჸოროფა მიღუ სკანჲ.
მარა ასე ჩხომიცალო
პიჯი მაფუ წყარიშ ეფშა.
ვაიჩქუდას გოჲჭყოლიდე,
ქორშინანქჷ ამდღა ეჩშა.
ასე ხოლო სკანო ფიფქრენქ,
სარკილი რე ცაში გური,
თეში მოურს ჟიშე ჭვიმა
მუჭოთ ზესკვიშჷ ჩილამური.