მარგალც ნინა გოჭყოლად

From Wikisource
Jump to navigation Jump to search
please do not remove empty parameters (see the template documentation).
*მარგალც ნინა გოჭყოლად
by ზაალ ჯალაღონია

 
მარგალც ნინა გოჭყოლად,
ორაგადე დოუთირუ.
ღვანწკის ართიქ ქოჭკადუნ, –
მაჟირაქ მოუთირუ.
გერე ზისხირ სქირაფილი,
გაძიცალო გინორთელი.
ირფელ რჩქინა დინაფილი,
დუდიშ ტვინი მინორთელი.
ათაშ მუქუ დარაგუ,
არძა დუც მინოხენი.
ქარ-ბორია არაგუ,
ზუღა სო რე კინოხენი…
რჩქინათ იჩუალუდუა,
ასე მუდგას ბთქუანქჷნ, –
ცაშა ქინჭუაფუქუ-და,
მერტახუნა სუასჷნ.
ჩიჩიე დო ჩაჩანეფი
ათაშ მუშენ იფაფუ.
სკან ორქოში ნაჭარეფი,
მიშ ზუკოლით ირღვაფუ.
ისტორიას გითირანა,
თეს მუჭო მიარჩქვანი?
შხვეფ უმოსო იკვირანა,
სი იძახუქ – მიაშკვანი.
ვავა, ლიბას ვაგშამირთას,
„ლ“ იჸი დო „მ“ რენია...
ათაშ ჭყანას გაქშაიღანც,
თე ჩიება მუ რენია,
ქორთუეფიშ ონკორალი,
მანგარ ლასიშ ტირანია,
არმენეფიშ მოგონილი,
ართიანი ჸვილანია.
ვარა მიქ გიმოდვეს,
ბჟაშ სკუალეფც მარგალი?
ჩქი კოლხობა მიჸორდეს,
ლინჯ-ფულანდიშ თართალი.
მუ სინდიდრე ავოტეთ,
ათე ფირქეფქ შკასჷ გობრთ.
ჩქინ საცოდალ აფსირტეშ,
ჩხე ზისხირი ტანცჷ გობდგ.
გუბაზ მაცანცალუაფ
ხობწყარ პის გეჸვილირი.
ეთი დღაშე ირთუაფ,
წყარ ზისხირო გეხვილირი.
ჯვეში ალეგორია რე:
ქინოსკიდეს მარჩხას,
კორკილქ მეხვარ მორიალეს,
იქ იშენით ქაჩამ.
მროველს მუს უჯერდით,
თქუო ბონ დო მართალი?
ქუჯიშ დიხა მუშენი რდჷ
ფარნავაზიშ გართალი?!