მარგალური ნანა
ჩქინიური თოლიხვიჩა,
ცას მიკოხე ხვარხვანტელი,
ირფელ უჩქუ, მუთ თუდო რე
დიხაშ გიმე კვარკვანტელი.
დიხაშ თუდო ქიანა რე,
გვერი კუდელს უწაწუანს,
გიმე წყარს დო ეშე ხვითოს
დღა დო სერით უქანცუანს.
იშ მულაშახ მუთას თქუანს,
მულირ კოჩი მართალს თქუანს,
მარა არძას მოკითხენსუ
მით მუდგენემს უთათხუანს!
კილერ კარსი კილა გონწყუნს,
ირკოს ინა ვა განჯინე,
გუმანჯამალ კირილი რე,
მერეხიშ მულას უჯინე.
უკულ მუთ იჸუაფუნი,
უფალიშ კათა ქუჯინე!