მამდა
Jump to navigation
Jump to search
გვალო შხვა რე მამიში,
ოდა ქრავაშჷ კართამი,
მუჟამს ჭვემა დოგორუნს
ვარჩხილიში ღართამი.
მუჟამს იბირცჷ ყამბარი,
კატუ თხილანს კარეფსუ
დო კაკალანს თამარა
ჭითა ლაიტიშჷ ტარეფსუ.
მუჭო ოსქვანს კილოთი,
ართო ფსუა ქაჩანუ,
მუჟამს ბარდღაშჷ ბაღანა
ქვირშა ქიმიჩაჩანუ.
ჯვეშჷ დღალეფიშჷ გოშინა,
ალდაჩხირეფს დარკენსუ,
ეთექ ბიწკიშჷ გერნელო
ქიმიაზადუ სარკესუ.
უკულჷ ბრელხანს კარკაცანს
წყარი, ვედრა დო ხერკე,
თუმა ყებურს ქეკოცენს _
ნოჸელჷ თირით დოხვერგე.
ნორჩალს ეთეშჷ გეკიჩუნს,
ითამჷ რდასუ ნალიში,
ჩილამურით დირშვაპუ
კვევერია ბალიში.