მალიმარო, მარგალეფი!

From Wikisource
Jump to navigation Jump to search
please do not remove empty parameters (see the template documentation).
მალიმარო, მარგალეფი!
by რამაზ კუპრა
რამაზ კუპრა. "ლაზონა დო მარგალონა" 2009წ.ხ.5-105 -106

   
ჯერ აფხაზებს გადავუვლოთ,
დავბრუნდებით და დედას
მ...... მეგრელებო!
მხედრიონელეფიშ რსქინი.

ლიმას ქომოლობა ოკო,
ლიმას ოკო დიდი ნძალა,
ლიმას გერგეზეფი ოკო,
ლალას ლიმა ვადვანძალათ...

ქიგიფშინათ, მალიმარი
მამელუქეფიში ცქვაფა,
ლეკურიში მორქია დო
ცხენ - კიდირით ეკონთხაფა...

ვაარწყეთო, გვალო მაფნა
დუდშა მინოლუაფირი,
მარგალ დიხას ქიმთოდვასჷ
ზურა, რაკვალ ელაფირი...

მალიმარო მალართითჷ,
მიდგას აძახ ბოშიშ გური,
ზოხო - ზოხო ვექიმინე
ოქიმინალი ოცქვაფური...

ჩქი - მარგალემს მითინწკუმა
დანდურალ ვემემჯღონა,
კოჩ მოკონა, ნამსით უჩქუ
მოლიმეფიშ ეწოჯღონა...

მუჟამს ართო ქიმიპოთჷნი
ჩქინდა მითინს ვეწარინე,
ართო ეკიბკათუთჷნი
თენეფს განთხშა ვეგიარინე...

აბა, არძაქ გეხაზირით,
მალიმარო, მალიმარო,
გურმანგარო ქიგებდირთათ
ომარგალეშ მათხილარო!..

1992 წანა, 16 გერგობათუთა