XVI. ნამუგიდეენი კოჩი მიიშჲ ელისამეთიშე იერიქოშა დო ჸურცალენქჲ ქეგიანთხესჷ, გორჩვესჷ თინა, დოჭყოლესჷ დო ქჷდიიტეესჷ მოღურუუ. თე ჟანსჲ მარცხო ნამუგიდენი პაპსჲ იჸუუ მიკულაქჲ თი შარათჷ დო ქოძირჷ თინა დო ელუულუუ განიშე. ათეშინეე ლევიტერქჲ ქემერთჷ თი არდგილიშა, ხოლო ქოძირჷ თინა დო ელუულუუ განიშე. უკული მიგიდენი სამარიტელი მიიშჲ; ქემერთჷ თი არდგილიშა, ქოძირჷ თინა დო შეებრალჷ, დო ქემერთჷ თიშა დო გუუქიტჷ თი ჭყორილი, ქეგიობუ ზეთი დო ღვინი, დო ქეგიოხუნუუ თინა მუში გირინსჷ დო ქიმიიჸონჷ თინა მოშარეეფიში ორენჯიშა, დო მიკუულუუ თისჲ. დო მაჟირა დღასჲ მიიშე ნი, ჟირი დრაკანი ქემეჩჷ მეშარეფიში ორენჯიში მინჯესჷ დო უწუუ თისჲ: "მიკუულეე თესჷ დო შხუა მუთუნი მეტისჲ დაახარჯენქჷ და, ქომუურქი ნი, სი ქემერჩანქჲ." თე სუმიშე სი მინჷ რე მიგოჩქი ნი თიში მეჸვისქო, ნამუქჷთი ჸურცალენსჲ დიშუუოლჷ ნი?