ლოცვა მთვარესთან
Jump to navigation
Jump to search
| ლოცვა მთვარესთან ავტორი: ტერენტი გრანელი |
გლოვის ზარებით გამაქანებს თეთრი კარეტა
და ჩემი სული სამოთხეში მივა გოდებით.
ზამთრის ვარდები დაიმსხვრევა ბაღის კარებთან.
გლოვის ზარებით გამაქანებს თეთრი კარეტა.
უშნო წარსულის სიმახინჯე მივლის გარედან.
საშინელებას მირაჟებით მე ველოდები.
გლოვის ზარებით გამაქანებს თეთრი კარეტა
და ჩემი სული სამოთხეში მივა გოდებით.