ლერსი ჸოროფაში

by კაკა ჟვანია

please do not remove empty parameters (see the template documentation).

ლერსი ჸოროფაში by კაკა ჟვანია

კალისტრატე სამუშია. "ქართული ზეპირსიტყვიერება" 1990წ. ხ.28–29

აკა ქჷგმაშინედასჷ,
სქანდე გემუანი ნინა,
უკულ(ი) ღურა ვადმენარღებ(უ),
სოდგა მიღუდასჷ ბინა...

ართი სქანი ჯგირ სიტყვათჷ
წყარც გეცენცჷ ჩქიმი დარდი,
ცხოვრებასჷ ქაწორხვადჷ,
ჩქიმი ცოდა–ჩქიმი მარდი.

ენა ხვალე მა ვა ბღოლამ(უ),
ენა ჸოფე ირი დროსჷ,
თამარც შალვა ჸოროფებუ,
ქომიჩქჷნა ირიკოცჷ,

ათეშენი რე ბოშკოჩი
ჭკუას გინოსხაპუნცუნი;
დუდ(ი) იპილე, მუს ოხვარჷ?
მუჭოთ(ი) ზჷსხჷრ(ი) ვაურცუნი;

ენა იშენით ვეფიქრა, –
ზჷსხჷრი გურც(უ) ვაუსუნი!...
ჩიჩიეთი გენწარებუ,
მუჟამც საქმე წაურცუნი...

სი ვეფიქრა ბოროტება,
თენა რდასი მუთუნ ნერი,
ისუ ჭკიჭკიტიათ ორთჷ,
ტურა, ყურდგელი დო ნგერი.

საქმე ჸოროფილობა რე –
გიჩქჷდასჷ – ოშინერი,
სი პილი დო სი დომთხორი,
სი დაჭკვერი სქანი შერი.