ლერსის უმარგ ჩქიმი შური
Jump to navigation
Jump to search
სინწარე დო გურიში ჭუა
ნამთინი ვამორინუანც;
ღურას ქიმუოდირთუქუნი
ლერსი მუკმორთინუანც…
ღუმა შური ეშმოლჷდ,
ტანც დაჩხირი გუმორზჷდ,
მუკმაჯინე ჩქიმდა მი რდჷ,
ლერსი მინჯეთ ალამირდ.
ლერსო იბიბრქ დო იმგარქ,
მა თიში ძალა თიცალც ბჯერც;
ჯგირი ლერსი თელცჷ ვარ,
ღურელც ხოლო უმინჯენც…
ლერსეფ ჩქიმი იმენდი რე,
ჩქიმ ბირა დო ჩილამური,
ცაშა მანტებჷ -მაფურინე,
ლერსის უმარგ ჩქიმი შური.