ლენიშფერი მელა

From Wikisource
Jump to navigation Jump to search
please do not remove empty parameters (see the template documentation).
ლენიშფერი მელა
by [[Author:{{{author}}}|{{{author}}}]]
გინმათანგალი გიგა ქავთარაძე

სოდგარენი ტყას, ართი გითოღალირი მელა გილეცანცალუდჷ. ართი სერს, თე მელას ქომაშქირენჷ. გედირთჷ დო მუში გოხოლუშ ართი ოფუტეშა მიდართჷ, ოჭკომალიშ ოშიბუშა. ოფუტეს თე მელა, ჯოღორეფს ვა უჸორდეს. გამათხოზეს დო ოფუტეშე გაგშარაჸეს თინა.

მელა აჭი დო გაჭით მირულედჷ მუში შურიშ გინატებელო. მირულედჷნ თეშ, ჸუდეშ ხასჷლას, ართი ქვერსემი კოტოს ქომუკინდუ თოლი. „ათე კოტო იჸუაფჷ გოსოფური, ოტყობინალო,“ უწუ მელაქ მუში დუც. ქენასხაპჷ თე კოტოს დო ვარინ, ქოძირჷ ნამუდა თინა ლენიშფერი წყარით ჸოფე ეფშან. კოტოშე გეშასხაპუნ, ედომუშამი ასა-გასა ლენიშფერო აკოღაფუდჷ. ჯოღორეფქ ლენიშფერი მელა ქოძირესჷნ, აშქურინეს დო ინტეს, რახანი თეფერი მელა დღას ვა უძირუდეს.

მელას ჯოღორეფიშ ნტებაქ ახიოლჷ. გითაჸუნჷ ჭიი-ჭიეთ დო ტყაშა დიირთჷ. უკული, გედირთჷ დო ართი წყარმალიშ პიც ქალერულუ. მაჟირა ოჭუმარეს გოკურცხუნ, მუში ამნახანტი ქენახვილუ წყარმალს. თინა ლენიშფერი რდჷ ხოლო! მუჟამც ტყაშ შურდგუმილეფქ ლენიშფერი მელა ქოძირესჷნ, დოშქურონდეს. თენერი მერეთი სქილედი დღას ვა აფუდეს ნაძირეფი. ნჯილოეფი, ჸილოეფი, გერეფი დო არძა შხვა შურდგუმილეფი მითმინტებუდეს ლენიშფერი მელას ქომუკინდუანდეს თოლსჷნ. თექ ირფელქ, გაღიერი მელას ართი არზი ქომუკათინუ დუდშა! „თოისერს ქობღოლანქ მა თენეფს დო ჩხოლარეფიშ მაფათ გინიბრთუქ,“ უწუ თიქ მუში დუც. აკოშაყარუ თიქ არძა შურდგუმილი დო თქუ: „მა ტყაშ ოსურ-ღორონთიქ, ათე ტყაშ მაფათ მუმოშქვჷ. თაშ ნამუდა, თქვა მა მაფათ მაკურთხათ ოკო.“ ჩხოლარეფქ მელაშ ნათქუელი ქოდეჯერეს. მაჟირა დღას თინეფქ მელა ტყაშ მაფათ გინაშქვეს. ნჯილო მელაშ მინისტრო ქოდარინეს. ჸილოქ თიში მათხილარო გინირთჷ, ოდო გერს ოჭკომალეფი მოუღუდჷ თიშა. თესხი მოინალეეფიშ მუკოლუაფაშ თუდო, მელა ხოლო ბრელ ხანს ქორდჷ ბედინერო.

ართი სერს, გოფშა თუთა მუკონათუნდჷ ცას. შორს, ტყაშ შხვა მელეფქ ჸურაფი გეტახეს, მუჭოთ თეს თინეფი გოფშა თუთალაშ ბორჯის ორთუნან თეშ, სერით. ლენიშფერი მელაქ ჸურაფი ქოგეგონჷნ, დუდქ ვაწაჭოფინჷ დო თიქით ქომიოჸურუ. მუჟამც ნჯილოქ, ჸილოქ, გერქ დო შხვა შურდგუმილეფქ თიშ ჸურაფი ქოგეგონესჷნ, ქოგოხვადეს ნამუდა მუნეფიშ მაფა ართი, უბრალე მელა რდჷ დო მეტი მუთუნი ვარინ. გაჸალებური ჩხოლარეფქ გამადვეს მელას დო ტყაშე გაგშარაჸეს.

თი მელას ტყაშა დღას ვა დურთინჷ თიშ უკული, მარა თიქ ართი გურიშ გაჩამალი ჭკუა ქოდიგურუ: მით რექინ თინა ორდა. დღას ვეცადა შხვა მიდგარენო გინირთენ.