ლამოსი
Jump to navigation
Jump to search
ლამოსი ირკოც ვაუღ
საქიანოთ ართინერი,
დიდო დაფასებელი რე
მისჷ თინა ქჷგარენი.
ვამონკანც ქიანას,
მის სვინდისი ქუღუნი;
შხვაში ვაკო, გემო აფუ
მუთი მუს უმუშებუნი.
ღულა ქორენი, ქარწყედა,
გლახა ნინას ვადახარჯენც;
ჩჷლათირი მუ ქორედა,
მუში დუც მუ დასაჯენც.
მარა ბრელი შხვანერი რე,
მუშოთ შურო ვამუშენც,
ირო შხვაშისჷ უჯინე
დო თით კანონც აფუჭენც.
ულამოსე მანებერც
ირკოჩქ ოკო ათხოზას;
მუში რდას, შხვაში რდას,
პიც რაგადი ვაზოგას.
უგმუსწორებუ ქორედა,
მითინქ ოკო ვემკინჭას,
მარა გჷმოსწორებელც
კჷნი ირკოჩქ პატი ცას.