კურკანტელაწკილა ზესქვიშჲ ონოფულ გოღურჭულჲ
Jump to navigation
Jump to search
ტექსტი ონოფულჲ, ინგარც მელოდია,
სარკულ-მორკულური ზესკვიშჲ ღურჭული.
ზისხერით ჭარილი, გურშა ქენიფულჷ,
უკულ მეჭყვადილჲ ო დო ბრელჭურჭულჲ..
ჸოროფათ ჭვილიშჲ ნინა მორჩქინუნჲ,
ნიტე მუშენ ინგარც, თინა ქუგმაგჷნჲ.
გიზინდუანც კინე ბუძგურიაშ ლირა,
კურკანტელაწკილა ონოფულჲ ბირა.
მიანგარც გოთანას,
ცოდათ ვაგაჯინე,
ვარინ თე ღურჭული,
კოცჷ ვაგაგინე.
გართაფ თი შარეფიშ
გილანგარილ ჭარემც,
ვართი თი ჭარეფი
მითინც ვეიაჭარე.
ჸოროფაში ონოფულჲ თიქით გურშა ქენიფულჷ...
ბარდვიშ მაჭვარალიშ რჸვილუნც გიშაბურჭულჲ,
რე დღა უსისანდე ო დო ბრელჭურჭულჲ...