კოჩანა.
Jump to navigation
Jump to search
ჯგირ კოჩანას მუ ოკონდა–
უზოგარო ხანდება.
გიჩქდას ნტერიშ ცალუა დო
მოჯგირეში დანდება.
თის ეცადი, სქან ნტერეფქჷ
ართი – მაჟჷრას ქართანი,
მეტყურე კოცჷ ვოურჩქილა,
რწანდას ირო მართალი.
კილარხვილი გროში ორე,
ფას ვეგეძჷ ტყურასჷ,
ბუღინა კოც მოუთხილე,
ნინა ვეკორტყურასჷ.
იჸოროფე თი არდგილი
სო გიქანცეს არკვანი,
სოდეთ ნანა გიბირესჷ
დიჭყი გილაბარკალი.