კოსტანტინე პატონი

by მურმან წოწორია

please do not remove empty parameters (see the template documentation).

კოსტანტინე პატონი by მურმან წოწორია

მურმან წოწორია "ცაშა მემიჭოფუ სუა..." მარტვილი 2007წ.

გიკურცხინე, გემწოდირთი
კონსტანტინე პატონი,
მუ ხანიე საქორთუოს
ვანოპვენა პატრონი.
სქან მარგალიშ, საჸოროფოშ
სქანი ჯამუშ კოჩანას,
ამდღა სოდგა გაძიცანა
სოდგა მიკმაფორჩანა.
სქანი ძიძესქუალეფი
ღალიძგაშე ღვარანა,
მიდა-მიდა ვათანძარაშ
ჭკვაშა გილაღვარანა.
სქან კოშკის დო ოხვამერს
ყვარიეფი თვალუნა,
გეთუუა საქორთუოქ
თურმე უთქუალუნა.
ჯინჯის მითინ ვავგორუნთ
ევროპაშე ვიჯინეთ,
მითინ ვამოგირჩქილუანს
მუდგა ვაუკიჟინენ.
სქან უკულ საქორთუოს
ვანოპვენა პატრონი,
გემწოდირთი, ქომიმინჯეთ
კოსტანტინე პატონი.