კოლხიშჲ მისტერიეფჲ
Jump to navigation
Jump to search
კანთი ლამური, ათე მერქა შურით მაფერი,
შვენაშ დოდგინა, ხალიწუა, ვარშჷ მუთუნი,
არზი მაფალუ ვაგაპალუ დო ანდანერი,
გუგარსიოლუ რსიოლუათ ონდო ურქუნი.
ჟი კათაკონკას, ბიწკი-ბიწკით ორე გილულა,
კორიბანტობათ ალობა დო შურითჲ რულა,
თუთა მენცარი, თუთაშურო აწოძირაფა,
შურიშ ნალიმა, რჩქილუა დო შურით ბირცხუა,
თუთაიაში ხე დო კუჩხიშ მიკოკვარჩხუა
დო მახვამერიშ შურით აშო გითოჩხირკუა.
თუთაშია, თუთაშეფ, გურით მესიაკონეფჲ,
გურმენცარეფ, გურთაზეფ, ინალ დო მეხატულეფჲ.
აიაშ ქანა, დაჭყაფუ რე დო ეკონია,
კორიბანტეფი აწოჸუნა ათე ირფელსჲ,
დო ქაძირანა ბჟაშ სინთესჲ ონოფულესი,
ნამუთჲ ორე ორთაშ ხესჷ აშაფულირი.
ნანა ღორონთი, სკან ოროსი, ქოთქვი ლამოსო,
მუჟამს მადირთუ ჭყოლოფუა სკან ოსინთესჷ,
აშ გაგმიღ ნანა, სკან ალობა, თუთაშ ჩხორიათ
დო გათანაფე აიასჲ!