კინოხონიში ჸუდე

by თენგიზ ფეტელავა

please do not remove empty parameters (see the template documentation).

კინოხონიში ჸუდე by თენგიზ ფეტელავა

მა გეგმოობჩი ჩქიმი ჯვეშეფიში ჸუდე,
თიში ვარკალიში ცოდას ენოობჸუნდე,
ვაგოურზი სიჭიჭარაში ტირტინცუ
საწიმოთო ვამათვინე მითინც!
მა გამვოსქიდი ანდა წანერი ჸუდეს
ნუძუ ჯალეფიში შური ენართუდესუ
თიში გორგოთისუ გინარჯგინუ რაქვალქუ
მიდამიღუ საწიმოხუნო ჯაქალქუ.
მირაგადუ აბა თეში იბშიო
შურიშია შური ვეშებშიო
მუკი ჸვანას ვეშვაშვალუ ჩხვერი
მუშენი რე რინა ოშინერი?!
დო გოფაბჩუნქი ჩქიმი არზეფიში თანგალს
ბაღანობა შარას გილეხანგალც
თურმე ნოჸელც ნაფეფინა პირი
მუში ოროსუ გითოღურუ კინი.
ასე მონჯარუ ჯვეშეფიში ჯერღვი
უზისხირექუ გილააბრთი, გილებყერყი:
მა გეგმოობჩი ჩქიმი ჯვეშეფიში ჸუდე
თიში ვარკალიში ცოდას ენოობჸუნდუ!...