კვათირი არზეფი

From Wikisource
Jump to navigation Jump to search
please do not remove empty parameters (see the template documentation).
კვათირი არზეფი
by [[Author:{{{author}}}|{{{author}}}]]
გინმათანგალიგიგა ქავთარაძე
  • ადამიერიშ ჯოხო გერძუდასჷნ, ოკო ორთუდე ადამიერიშ საღალეს.
  • ადამიერეფი მუნეფიშ შელებეფიშ მაქსიმუმს გაჭირებაჟამს კილმარჩქინანა.
  • ადამიერეფიშ მოჯოგე ოკო ორდე, ადამიერეფს დუდი აკაჯოგაფუენ.
  • ადამიერეფიშ რჩქინა სახენწჷფოშ ღჷმალა რე დო ოკო ისოფუდას თიშ გიმორინაფაშენ.
  • ადამიერეფი შხვადოშხვა შარათ მინჭუაფუნა ბედინორაბაშა.
  • ადამიერეფი უკილეფი იჸუაფუდეს, მუნეფიშ კილს თეშ ქოსხუნუნდან, მუჭოთ შხვაშისჷნ.
  • ადამიერეფი აკმოქიმინუნა თის, მუთ უკულნეშის კჷნე ადამიერეფიშ ინოჩამაშ წყუთ გინმირთუნ.
  • ადამიერეფი არძოშე უმოსო ბაღანობას გჷნა ართიანს.
  • ადამიერეფი სქანი მეხჷ ჯამიერეფი რენა, სოიშახ თუდოლენი ოკუჩხალეს რექჷნ, თოჸუჯიერო რენა, ოდო მუჟამცჷთ გიწულუანქჷნ, ნჯარიშ თოლით გიჯინენა.
  • ადამიერეფი ჩქინდე თინერი მეჯინალაშ რენა, მუნერი ინფორმაციათ უღუნან თიშ თირუაწკჷმა ართო, ითირუ მეჯინალა ხოლო.
  • ადამიერეფი ძალამს გჷნა დო ძალამს გინმიშხვანერებუნა ართიანშე.
  • ადამიერეფი ულირს გოშინეფს ორწყენა, ოდო მუმალუს - მენდეფს.
  • ადამიერეფქ ართიანიშ ჸოროფა ქომიხუჯუანინ, არძო ადამიერი ოკო ორდას.
  • ადამიერეფს უმოსი უჩქუნა, ვინდარო ირინუანან.
  • ადამიერეფსჷთ ახასიათენა კომპასიშ აჯამობა.
  • ადამიერეფს ვალიმუდენ ოკო, ადამიერეფშო ოკო ლჷმენდე.
  • ადამიერეფს მუთუნი ჯგირი ქორენ-და სი ოკო ქოძირენ, ოდო გლახა მუშით კილაირჩქინდუ.
  • ადამიერშე დღას ვათქუა იფჩინენქიან, ვეჩინენქ თიში შურიშ ნერჩისჷ-და.
  • ადამიერეფშე რაგადე ხვალე თინა, მუსჷთ პიც უწინდინ.
  • ადამიერეფიშ არძოშე დიდი ბედინერობა ჸოროფას რე.
  • ადამიერი ადამიერშო გერი ვა რე დო ვართ გერი რე გერშო ადამიერი.
  • ადამიერქ, თე ქიანას უკულნეშის მულირეფს რინაშ ოსხირო ოკო დოხვადას.
  • ადამიერი ანგილოზო იბადებჷ დო ადამიერო ედომუშამი შურდგჷმაშ განწხანს გინმირთუ.
  • ადამიერი ვარა ჯგირობუაშ ვარა უბადობაშ მაღვენჯი რე, ვარა ჟირხოლში ართო, ჟირხოლოშე დუდიშული ადამიერი აკა ვა რე.
  • ადამიერი დღას ვაშურდუ ბედინერობაშ გორუას.
  • ადამიერი რე ბორჯის დო ვართ ბორჯი ადამიერს.
  • ადამიერი ხვალე ათეჟამს ორთჷ დო ათეჟამსჷნე ირინუანს ირფელს.
  • ადამიერი ბაღანობას მიოფურინუანს, ახალნორდალა მეჸუნს, ოდო სირჩინუეს მენთირუნს.
  • ადამიერი ბედინერობას ხვალე რე თიშენი, ნამუდა შხვას ვახვილჷ, ოდო უბედურობას თიშენი, ნამუდა ვართ მუ ოხვილჷ შხვას.
  • ადამიერი ბედინერი რე თიწკჷმა, მუჟამც მუში შური დო რსხული ართიანწკჷმა ჰარმონიას რენ.
  • ადამიერი ბრელს ოდინუანს, უბედურობას აკმერიგებუ-და.
  • ადამიერი ორთაშ სქუა რე.
  • ადამიერი უმუჭყვადუო მინჭუაფუაფჷ მუმალუჸურე დო ულირს მუთმოხვადუ.
  • ადამიერი ბორჯიშ ალმაშარე რე.
  • ადამიერი ბორჯის ართიშა კჷნასქიდჷ დო თინა ხოლო ირიათონო.
  • ადამიერი აკა კაკალია შურდგჷმილი სქილედი რე, მით უბადობას ოწმახჷშე ონწყჷნს დო თეშ ორთჷნ.
  • ადამიერი აკა კაკალია სქილედი რე, მიქჷთ მუში სიდაღარეშ განძალიერებელო ანჯარი აკოქიმინუნ.
  • ადამიერი ართი ბორულიშ თქუალათ თისხის ოდინუანს, ნამუდა ვითოში ჭკვერულიშ თქუალათ ხოლო ვადართინნე.
  • ადამიერს მუში გულირი რინაშ ფურცელეფშა ვართ მარკინე და ვართ დინაძინნე.
  • ადამიერი მუშით აკმოქიმინუნს მუში მუმალუს.
  • ადამიერი ვა რჯოგუნ-და, ენა ვა მიოწურუანს იშა, ნამდა თინა გიჸორსჷნ.
  • ადამიერი თინერი რე, მუნერი საქვარსჷთ ორთჷნ.
  • ადამიერი ვა მოლასენი ოკო დუნაშებუშენი, ვარინ დაშებაშ ზალამი ოკო მოულასე.
  • ადამიერი თეიშახ რე დო სქიდუ ადამიერო, სოიშახ ადამიერეფიშ წორორინალაშ ჰუმანურ პრინციპეფს მეჸუნს დო თხილანსჷნ.
  • ადამიერი თეიშახ რე ბაღანა, სოიშახ ნანა დო ოლაჸაფინია შქას ოლაჸაფინიას სხუნაფულენსჷნ.
  • ადამიერი თიწკჷმა ღურუ, მუჟამც კათა თიშ ღურას ინარტენსჷნ.
  • ადამიერი ედომუშამი რინაშ მეძენას ოინალჷ მუში შურდგჷმას.
  • ადამიერი ედომუშამი რინაშ მეძენას თეშ ითირუ, მუჭოთ მუში ოხორინალი აკანინ.
  • ადამიერი ედომუშამი რინას მუთმონდინდუ ღურაშო.
  • ადამიერი ედომუშამი რინას მუში მუმალუშ ულირიშა გინოხარგუათ რე დაკებული.
  • ადამიერი ხვალე ჯგირობუას ოკო ოინალუდას.
  • ადამიერი მაართა რანწკის მუში ინტერესეფიშ მათხილე სქილედი რე.
  • ადამიერი, მუსჷთ ორთჷნ, ადამიერშო ორთჷ.
  • ადამიერი, მისჷთ შხვაშ ჯგირობუაშ ნჯარი ჸვილუნსჷნ, ნგარაშ ოჭარაფალი ვა რე.
  • ადამიერი, მისჷთ არძო ჯოგჷნ, თინათ არძოს ჯოგჷ.
  • ადამიერი ჯგირობუაშ განშე მართინუენ, ოკო დარწუმე ჯგირობუაშ ჯგვინას.
  • ადამიერშო უჯგუში რე ორთას მერგეშას, ვინდარო თირუასჷნ.
  • ადამიერიშ სქჷლადაშ წყუ მუში მუმალუ რე.
  • ადამიერიშ ეკონია მორსება ღურუ რე.
  • ადამიერი ჸოროფაშ ღიაბიშ დინაფაშ პროპორციულო ოდინუანს ადამიერობასჷთ.
  • ადამიერიშ ღანკეფი გჷთმოხურგანა მუში მუმალუს.
  • ადამიერიშ მეჭირინაფეფი ბაღანობაშე იჭყაფუ.
  • ადამიერიშ საღალე რე ორთა თინას გიმირინუასჷნ.
  • ადამიერი რსულას თიწკჷმა იგინანს მუში ჩილათას, მუჟამც თიშ გიშათინუას ეცადებუნ.
  • ადამიერიშ სისქვამა წანეფიშ ძინათ ირკენს, ოდო გაღიერალა იძინანს.
  • ადამიერიშ თელარას უჩქი ლანდო გილაჸუნს ღურუ.
  • ადამიერიშ ტვინი ატომს გჷ. ჭიჭე ატომი დიდი ენერგიას ინტირინუანს, ოდო ტვინი - დიდი გაღიერალას.
  • ადამიერიშ ტვინი არზიშ გჷმაჭყაფუ დო რჩქინაშ ოთხილუ რე.
  • ადამიერიშ უბედურობა თიწკჷმა იჭყაფუ, მუჟამც თის მითინი ვახვილუნ.
  • ადამიერიშ უღურალობას კათაშ უღურალობა უნარღელჸონს.
  • ადამიერიშ არძოშე დიდი ღჷმალა გაღა რე.
  • ადამიერიშ ხანდა შურდგჷმას ოინალჷ.
  • ადამიერიშ რინაშ შარა ვეიოჩირთუ ვართ ჯგირობუას დო ვართ უბადობას.
  • ადამიერიშ წჷმოძინა მუში ღანკეფიშ დო შელებეფიშ რეალურობაშა რე მებუნაფილი.
  • ადამიერიშ გორჩქინაშ ხანა თიზჷმაშა რე შორებული, ნამუდა მითინს მუთუნი ვა შჷ თიშ გეშა.
  • ადამიერი წორას თიწკჷმა რე არძოშე უფურაში, მუჟამც მუში დუდი არძოშე უჯგუშო მიოჩქჷნ.
  • ადამიერი უღურუ თის, მიდგაშენით შური უდგჷდჷნ.
  • ადამიერი ოკო გიჸორდას ხვალე თიზჷმაშა, მუზჷმაშათ თეს იინალუანსჷნ.
  • ადამიერს შური ოკო უდგჷდას თიშო, მუდგაშოთ ღირჷ რინან, ვარა ღურას თიშო, მუდგაშოთ ღირჷ ღურან.
  • ადამიერი უმოსის ოჭირინუანს თიწკჷმა, მუჟამც შხვაში მენდი ვა უღუნ.
  • ადამიერს არძოშე უმოსო ადამიერი ოხვილჷ.
  • ადამიერი არძო მუში ზალამს თეშ ვა მიანჭუ, მუჭოთ ცაშ სიმაღალასჷნ.
  • ადამიერი ირფელს თეშ მეურე, მუჭოთ თის აფასენსჷნ.
  • ადამიერი ირფელს მუმალუშო ორთჷ.
  • ადამიერი ირო ითირუ დო ირო თინა რე, მუთ ორენი.
  • ადამიერი იროიათო ხვალე მუში დუც უწინს სიმართეს.
  • ადამიერი ოცადჷ დიჭყოლიდუას ღურან, მარა ღურა დღას ვეჭყოლიდუანს თის.
  • ადამიერი თირანს რინას, ოდო რინა - ადამიერს.
  • ადამიერი გლახას მაჩილითუენი, უჯგუშით ოკო დაინტერესე.
  • ადამიერი ხალისით იჩიებჷ მუში ოპეკური საქვარეფშენ, ოდო საონჯღოროშე შურს ვა ქალუნს.
  • ადამიერს მუდგია ხანს ვა უდგუდას შურინ, იშენ მიოჩქჷ, ნამუდა უბორჯეთ ღურუნ.
  • ადამიერქ ჯარალუას ოკო მოუღას ჯგირობუა, ვარა დუდიშ გჷმორძღაფას ნოტყეფი ხოლო იხუჯუანა.
  • ადამიერქ თელარას ბრელი ოკო მიდუღას დო ღურუს ჭიჭე დოუტუას.
  • ადამიერს ოკო უჩქუდას ხვალე მუჟამს დებადუნ ინა ვარინ, მუშო დებადუნ თინა ხოლო.
  • ადამიერს შური ოკო უდგჷდას, თეიშახ, სოიშახ შჷ მუშო უდგჷ შურინ.
  • ადამიერქ ოკო შილებუას, ღიაბეფი ქუდუჸუნუას გაღასჷნ.
  • ადამიერს უმოსი მუდგარენი ვა უჩქჷ, ვინდარო უჩქჷნ.
  • ადამიერს დღას ოკო ვა დაჭყორდას, ნამუდა ნტერი ხოლო ადამიერი რენ.
  • ადამიერი ვა გაჸვილე, თიქ უღურალობა ქოდიინალუ-და.
  • ადამიერს ვართ გორაფა დარკენს დო ვართ ცქვაფა მუძინანს მუთუნს, მუში ნტერი დო მოჯგირეთ მუში საქვარუა რე.
  • ადამიერს მინშა რდილობა ათმაძვილენს დუდი მიღორასჷნ.
  • ადამიერი დუდიშ გიმარჩქინალო ოსქვებური ასპარეზის ოხვილჷ. ჯგირი ჯარიშკოჩი ლოშქიშ ოდუდეს მუთუნი ვეჸი, ოდო გენერალი - ჯარიშკოჩიშ არდგილს - ხვალე ჯგირი ჯარიშკოჩი.
  • ადამიერს მუში ხანდაშ მოღალუ ადიდენს.
  • ადამიერს ჯგირობუას ქურთუქჷ-და, ბაღებულობას ოკო გინაფულენდე.
  • ადამიერს თიზჷმა ქოშეულებუდას, მუზჷმათ გაჸალებაბორჯის მიოჩქჷნ, დასურო უზჷმეთ ნძალიერი იჸუაფუდჷ.
  • ადამიერს ისტორიაშა მიშულაშ დიდი ზალამქ შილებე დიდი უბადობა ოქიმინაფუასჷნ.
  • ადამიერს უმოსი შეულებჷ, კორინელი საქვარს ქართუნ-და.
  • ადამიერს დიხა არზენს შურდგჷმას დო ღურელსჷთ უკოხოლე ირთინუანს.
  • ადამიერს გამამინჯალაშ ღიაბი თიშო უღჷ, ნამუდა გამაშ მეჩამას მუთუნშო ვა გიახვილასჷნ.
  • ადამიერი შხვაშე უმოსის ვა ზალამენდასჷნ, უმოსი ბედინერო იჸუაფუდჷ.
  • ადამიერს ქოუწუე ბორო რექიავან, დუც ქაგოჸვილანს, ოდო ნამთინე, წორას გაბორებაშახ შუნს.
  • ადამიერს ოჰამჷ თიშე უმოსო წჷმორჩქინა, ვინდარო რენ, - ოდო ეს ჯგირობუა მითინშა ვა მოუღალჷ.
  • ადამიერს ფიზიკურ კილშა ოკო ვა მიოწურუე დო ვართ ირგებუე ოკო თეთ.
  • ადამიერს ირკოჩი მუშე ბედინერო მიოჩქჷ, ოდო უჯგუშო - მითინი ვარი.
  • ადამიერს ირფელი ორთაქ დაგურუ.
  • ადამიერს ირო ოკო უღუდას ღანკი.
  • ადამიერს ირო ოკო უღუდას გამა სუმ კითხირშე: მუ უქიმინუ, მუს ორთუ დო მუშ ქიმინუა ულამუნ.
  • ადამიერიშ ჸოროფაშ ოჭყაფუ დიდა რე დო მიდგა იჸინქ თიში ჸოროფა ვა შილებუ და, ქიანას მითინიშ ჸოროფა ვა შიალებე.
  • ადამიერშო უთარაში ადამიერობა რე.
  • ლახალაშე ფირქი თვითან რე ლახალა.
  • უბადო დიანთილიშ მინჯე მანგიორს ნოსას გინმუგანს.
  • უბადო ზიტყვას ჯამიერი ზიტყვათ ოკო აწუდირთე.
  • არზი მობილიზაფას ურთჷ ადამიერიშ ფიზიკურ შელებეფს.
  • არზი უჩქი ნძალაშ მაღვენჯი რე.
  • ქართა გოლუაფირს ფსუა დღას ვა გაფაჩე.
  • თე ქიანაშე ულირი ადამიერი თეიშახ შჷნა, სოიშახ თიში ნოქიმინუერი ოშინანს დუცჷნ.
  • მითინი ვა რე ირო ართინერი.
  • მითინს ვა უჩქჷ ბედინერობაშ ორენჯი, ათეშენი ირკოჩი ჸვერეთ გორუნს თის.
  • მითინს ვა უჩქჷ, მუთ არძოს უჩქჷნ.
  • მითინი ვა გოგიჯოგუანს, დუც ვა გაჯოგაფუანქჷ-და დო მითინი ვა გეგეჯოგებჷ, დუც ვა გუგოჯოგაფუანსჷ-და.
  • აშხარა გეჩინებაფუენ, სანარღოთ, ართიშა ოკო ქიგინე თიში აშხარობა.
  • მუთუნინერი სარჯელი ვა რე თიშე მონკა, მუჟამც ადამიერი მუშით გინაფულენს დო ნარღენს დუნაშებუსჷნ.
  • ვა რსებენს ადამიერი, მისჷთ ზალამეფი ვა უღუნ.
  • ვა რსებენს ბედინერობა, ნამუსჷთ უბედურობა ვა ალათირუნ.
  • ვა რსებენს გომორსილობა საქვარიშ უმუშო.
  • ვა რსებენს გაჭირება, მუსჷთ ღურა უჯგუნ.
  • ვა რსებენს დაჭყაფუ, ნამუსჷთ დათებუ ვა აღვენუნ.
  • ვა რსებენს კრიტიკა, ნამუსჷთ ჯგირობუა ვა მოუღუნ.
  • ვა რსებენს მეჭირინაფა, ნამუდგაშ გაუჯგუშებათ ვა შილებენ.
  • ვა რსებენს ოტყობინჯე, სოდეთ ღურუს დატყობუქუნ.
  • ვა რსებენს ქიანას მუთუნი, მუთ ბორჯიშ ღალას დატყობუნ.
  • ვა რსებენს შურდგჷმილი სქილედი, ბჟას ვახვილუდასჷნ.
  • ვა რსებენს გლახა კათა. არძო კათას უღჷ ეკიულაშ დო დიკიულაშ ხანა, მუთ ოშწანურეფს ფორუნსჷნ.
  • ვა რსებენს უწუმუძინუ გენიოსი.
  • ვა რსებენს კათა, ნამუთ არძო კათას გჷდასჷნ.
  • ხვალახობა უჯგჷ, ვაგოჰამუნ ფერი კოჩიწკჷმა რინას.
  • დღას მუთუნი ვა გობაღ, ვაიჩქჷ, მუსხი რე დასაბაღჷ-და.
  • დღას ვეჸუაფჷ მოითირი, ნამუთ წოხოლენი მოითირს ვა დარჯგინანსჷნ.
  • დღას ვეზალა თიშე უმოსი, მუთ დეინალენ.
  • დღას ვეჸუა თინერი, მუნერით შხვას ოხვილუქჷნ. რდა თინერი, მუნერით ოკო ორდენ.
  • დღას ვა მუგეწონას სქანი დუდქ თიშე უმოსო, ვინდარო იინალუანქჷნ.
  • დღას ვა გამორსა სქანი ბედინერობაშ ხარისხი, თეთ ბაღებული დღას ვეჸუაფუქ.
  • დღას ვა ურთინუა ოჭიში შერიგაშ შელებას.
  • ჩილათირი შარათ მალს ღანკიშა დღას ვა მიართე.
  • მუთუნი ვაგაჭყორდუ ხვალე თის, მისჷთ მუთუნი ვა უჩქჷნ.
  • სახიოლო მუთუნი ვა რე თის, ღურელს ხვალე თით უჯგუქჷ, ნამუდა შური გიდგუნ-და.
  • მუთუნი ვარე სიახალე, ჯვეშის ვა უმონსჷ-და.
  • მუთუნი ვა თქუა თექ, სოდეთ შურუქალუობა გაღიერალათ მიგორჩქუნ.
  • მუთუნიშ ქიმინუა ვა შილებე ნჭუაფილო, ეფას დო ჯგირაშო.
  • მუთუნიშ მუმაღალარი ვა რე ჩილამური, მარა იშენით ანაყუ წენს.
  • ვა ბაღჷ გიჸორდას კათან, კათასჷთ ოკო ქაჸოროფაფუე ოკო დუდი.
  • ვა მოხვადუ, ნამუდა ქიანაქ დო კათაქ ჯგირობუაშ დო ჸოროფაშ საგამა უკოხოლე ვა დოგირთინუასჷნ.
  • ვა შილებე დუგოჭყორდას თიქ, მუთ ვა გიჩქუნ.
  • ვა შილებე მითხუე, ნამუდა ქოგიჸორფუანინ. ჸოროფა ოკო დიინალუე.
  • ვა შილებე უჯგუში მუმალუშ მენდით ულირს ვოგორათჷნ.
  • ვა შილებე ჩილდოქომონჯიშე უჯგუშო უჩქუდას მითინს, რენა დო ვარი ართიანიშ ღრისინ.
  • სხუნაქ ჯგირობუა დო უბადობა შქას, ირო ჯგირობუაშ მორგეთ ოკო გინოჭყორდას.
  • სხუნაშ მეშქაშალა ალექინენს ღანკიშ მეჭირინაფას.
  • ვართ გენიოსეფიშ მასქერეფი ორდეს გენიოსეფი დო ვართ თინეფიშ სქუალეფი.
  • ვართ ბოშკოჩიშ ემარდალს ორკჷ ბოშკოჩანა.
  • ვართ თინა რე ზოხორინელი, მიდგაშათ შხვა რე მიკობუნაფილინ.
  • ვართ ეფერი უბედური რე ადამიერი, მუში უბედურობას ვა გინაფულენსჷ-და.
  • ვართ არძოშ უნჩაშის დო ვართ არძოშე უნჩაშის ვა გონუდას ოკო, ნამუდა არძოშე ჭკვერი რენ.
  • ხანი მუთმოჯილიკანს ფიზიკურ შელებეფს.
  • ხანიშ ძინაწკჷმა ართო იძინანს შურდგუმაშ ძივთი ხოლო.
  • ხანიშ ძინაწკჷმა ართო ხოლოიანიშ ჸოროფა ვარინ, თიში გჷმოხანტუაშ შელებეფი ირკენს.
  • ხანიშ ოსქვებური გაღიერალა არძო ადამიერს მეთხუებუ.