ისევ სდუმან ველები
Jump to navigation
Jump to search
| ისევ სდუმან ველები ავტორი: ტერენტი გრანელი |
ისევ სდუმან ველები,
ან ცხოვრება რა იყო!
სადღაც მთელი დღეები
შავმა ფიქრმა წაიღო.
შენ, ძვირფასო, რას ამბობ!
ქარი ხმელეთს მოიარს.
მაშინ იდგა საღამო
და ვუსმენდი როიალს.
ისევ გაჩნდა ეს ბედი,
კიდევ ცოტა მადროვე.
მე ოთახში შევედი,
მთვარე გარეთ დავტოვე.
ისევ სდუმან ველები,
ან ცხოვრება რა იყო!
სადღაც მთელი დღეები
შავმა ფიქრმა წაიღო.