ირფელც გოკო აგურენი

From Wikisource
Jump to navigation Jump to search
please do not remove empty parameters (see the template documentation).
* * *
by ზაალ ჯალაღონია
ალიტერაციული

ირფელც გოკო აგურენი,
სანარტია თაია.
სასურია, საგურელი,
საიანგე, საია,
გაგა, ბუტკი ხახუტელი,
გაგელება, გაგური.
ლერსიშჲ არძა ნადუდელი,
კანთელია, კანთური.
გადღაშება შურიში დო,
არგამება ლანტური.
გაგა, ბუტკი ხახუტელი,
გაგელება, გაგური.
მოხუფინე ხაბალური,
ხაბოშჲ ხოლოს ლეხერი .
გოცხონტილი ჩქიმჲ რსხული,
მარეხეთჷ რეხილი.
ართო, რჩელი ანი- განი,
რჩქამი მიშაცირილი.
რცვალი ხოლო რცამულერი,
ცაშე გოთოწირილი.
ირფელც გოკო აგურენი,
სანარტია თაია.
სასურია, საგურელი,
საიანგე, საია.