ირემი დო ჭყენჭყი
Jump to navigation
Jump to search
| ირემი დო ჭყენჭყი by |
| გინმათანგალი გიორგი ქანთარია |
ირემქ ქოძირჷ მუშ ამნახანტი წყარს დო გეხარჷ მუშ რქალეფიშ სიდიდათ, მარა ვემეწონ მუშ ციკალი, ჭიფე წირღეფქ. თეს ფირქენდ მუშ დუდშონ თეშ, ჸილოქ გამუკორჩქინდჷ ჭყენჭყიწკუმა. ინტჷ ირემქ დო ეფას გაგიწულუ ჸილოს დო ძალამ შორი დისტანცია ქიდეკინჷ სოიშახ ტყაშა ვა მიშართუნ. ტყას რქალეფით ქიმთიბორკჷ. ჸილოქ უნელო ქიგიოჭიშუ დო დუდს ქომუნადირთჷ. ქოძირჷ ნაპტან გვიანი რდუნ, ირემქ ქიდიჭყჷ ნარღება მუშო: ვაჲ ახავაჲ ჩქიმ ცოდა! მუჭო დიბღორი დუდი! ჩქიმ წირღეფი, ნამდგა გინმოსქილიდუანდუნ, ბჯოგუდუ დო ვამოპწონდჷ, დო რქალეფს, ნამდგაქ მიმოდინუნ, იპწონუანდი.
მუდგა დასურო დიდფასი რენ თის ფშხირას ძივთი ვა გეძჷ.