ინგირი (გია ჯიჭონაია)
Jump to navigation
Jump to search
სკან ოკუჩხანესი
მა სკან ოკუჩხანეს მიბრდი,
უკულ ბგორეს დო ვებძირი,
შხვა, სკან მეტი, მუთუნ ვაბშუ,
გიჩქუდასი, ჩქიმ ინგირი.
ღუმათ გლახა სისმარ ბძირი,
აშო, სქანჸურე იბრული,
მიბრულედ დო კინ იმნგარდი,
გეგნიბტყაბარე ბირგული.
ინგირ, ჸინგირ, ჸინინგირი,
თელ სერც რგორ დო ვამაძირი,
ვარა უსკანეთ სო მალნე,
აშონანსით გიმაძირი.
ენგრი, ეგრი, ეგურ-გური,
გორწყექინი ხარენც შური,
ირფელ სკანდა შემწირებუ,
მუთ მაშუ დო ვამაშუნი.
სო ვორდი დო სო ვავორდი,
ირო რგორ დო ირო რძირი,
ქორთხინქ, გურშა ქიგემბუნე,
სკანო ვორდა ჩქიმ ინგირი.