თქვან ჸოროფაქ მა დობღუპუ
Jump to navigation
Jump to search
თქვან ჸოროფაქ მა დობღუპუ,
ვორექ ირო გონებას,
მუთუნიშა გურ ვამაფუ,
ქიმუვარჩქვან ხონებას.
მუს გიწინქჷნ, მართალი რე,
არდგილ ვოუღ ღორებას,
ირფელს ართო ხე ავოღი,
ოჯახ, ჸუდე, ქონებას.
ტყვიათ ვორდე ჸვილირი დო
ტუტაშ ფერი გებძუდას,
კუბოს ინვოსვანჯუდე -
კიდირს ხელეფი გებძუდას,
საფლე ტახირი მაფუდას,
მანთხორალეფ გომირდას,
თიწკმათ მიღუ თქვან ჸოროფა-
თენა თაში მოჭუდას.
კუბო ჩქიმი თქვან წოხოლე
საფლეს ქიდოდგუმედას
ართი მუნჭი თქვან ხეშ დიხა
კუბოს ქუგეცუმედას,
ჰოი, თიწკუმა, საყვარელი,
თქვან გური ქუმაძირედას,
მიჸორქ, სი კოჩი, მუ ფქიმინა -
უარეს ხოლო მოჭედას.