თუთა (გიგა ქავთარაძე)
თუთა მითოტყობჷ მუნაფას,
თევრე კილმეწკვირინანს,
ჭიი-ჭიეთ ეკმუოტყობა,
ქობძირჷნს დო დიკინანს!
- თუთა ხვამელ, მუს მაწვალე-
ითამ ნტერი გაფუდე,
ვარშუნო, ჩქინ კინოხონეფჲ -
სი გუგალუაფუდეს.
“მუმაცალო მიორჩქუდით,
ბჟათჷ დიდა აფუდეს,
ხვიჩა-ხვიჩა მურიცხეფსჷ
და დო ჯიმათ თვალუნდეს“…
თუთა იშენ მუშის მეჯანჷ,
ჸუჯეფს ველკმუფართხუანს,
მუსხის ქუვოხვეწუქ მარა,
ინა მუთუნს ვათქუანს…
თუთა მითისოფჷ მუნაფას,
თოლს მიჸოთანს, მიძიცანს,
ჭიი-ჭიეთ ეკმუოტყობა,
ქობძირუნს დო დიკინანს!
23.09.2010 ზუგდიდი