თუთარჩელაშ ნასოფერა
ითამ ჭუა მიღუდუ დო
მაქურქასჷ გიმაბლურდუ,
ღურუს ჩქიჩქო გილაპუნდი,
პიჯის ბირა გილაბჭუდუ.
ჩქიმჷ ჯარგვალსუ, გონწერილსჷ,
ღორონთ პატინჷ მიზოჯუნდუ,
ყებურს შური გეშალაფუ,
ტუტას მურიცხჷ მეჭორჭუდუ.
ჩქიმჷ ზისხირი ქიმშგობასჷ
ეგებ დიფათ გედორთუდუ.
ლაკვატერი ჭერჭ ქიანა,
რინაშჷ ჯასუ გოთხოზუდუ,
უშუგორუ ჭიჭე-დიდის
უთუსბერშა დოთორსუნდუ.
თუთარჩელაშჷ ნასოფერას,
მუნაფეფცჷ გიმალურდუ,
გოუტყობინნა მურიცხეფცჷ,
ცას ჩილამურჷ გილაჸუნდუ.