თოვლია, ირგვლივ თეთრი ფერია
Jump to navigation
Jump to search
| თოვლია, ირგვლივ თეთრი ფერია ავტორი: ტერენტი გრანელი |
თოვლია, ირგვლივ თეთრი ფერია
და ოცდასამი დეკემბერია.
თეთრი ფიქრები ისევ მოვლიან,
შიგნით ციხეა, გარეთ თოვლია.
ცეცხლი ედება ახლა ამ დარდებს,
მე აქ ვიქნები ჩვიდმეტ მარტამდე.
დაო, ციხიდან მომაგონდები,
უფრო დარდია, უფრო ვღონდები.
თოვლია, ირგვლივ თეთრი ფერია,
დღეს ოცდასამი დეკემბერია.