თი ოჭმარე

by ედემ იზორია

please do not remove empty parameters (see the template documentation).

თი ოჭმარე by ედემ იზორია

სო რე ასე თი ოჭმარე
ჭალეს გილებჭინკანდი,
მაჭირხოლეფს მოფთხოზუდი,
კენჭის გილებკენჭანდი.

ნარჩას ათმაშირუდეს
მუ ერია-მორიათ,
მუშ მაქექა ფერდეფი დო
ტიოზეფი, ბორია.

მუ ანკია ეკადირთუდ,
მუ კაბეტი ლაკადას,
ქიანა რდჷ მუშ მაწკონდა,
თოლი მუშმაკაკაბა.

მუ მართალი რდ სიკეთე
მუ ნანდული იმენდი,
ნოტე შორი, რინა წკონდა
კინი მიდამჸონანდე.

სო რე ასე თი ოჭმარე
ჭალეს გილებჭინკანდი,
ი ოჭმარე ვედირთინე,
ჭარკინტიაქ ქიკინდუ.