თი ლაგვა კათას
„ტყურა რე, მართალ ვარენ-და, არგამათ ოკო რაგადი!“
ზაალ ჯალაღონია
მუჟამც მეგორუნქ მოჯგირეს,
მუჟამც ზისხირი ჸურანსინ,
ათენა მუქ ვაგორჩქინეს -
ვეიჭოფუნა ტყურასინ!
ჭარუნთ, ორსხუანთ ოშინერს,
აბრელენთ თქვანიჯგურასინ -
ნინაშ ჸვილუა ვაშინერს,
ქიანაქ მიგენდურასინ!
ნინას ღორონთშე გორჩქინელს,
მილმუჭკომუანთ ტურასინ -
გეგმოხაკელეთ ორჩინელს,
თქვან დუდქ ვა დომიღურასინ!