თენა ხოლო გინილენსჷ!..
Jump to navigation
Jump to search
ბედ მუთუნით ვეჭვე თიშა, მისჷთ აფუ მეჩამილი
ჭყოლოფა დო მენცარობა... უბადობას თით მილენსჷ...
დიდ მაფას დო ჭკვერი კოცჷ მარწკინდშა ჸოფ გეჭარილი:
„თენა ხოლო გინილენსჷ!..“
კითშე ფშხირას მინწყჷნდჷ დო თოლს ნაჭარას გულუანდჷ,
თიშ გურცჷ ნამუთ ონჭჷდუნი... მუ გაგინედჷ გირინემსჷ?!.
მაფას ნარღის უფართხჷნდჷ, შურც თის გინაჸუნუანდჷ:
„თენა ხოლო გინილენსჷ!..“
ართშა მუთუნქ ვაგშურთესჷ მესიაკონ ზიტყვემც ხოლო,
მაფაქ მარწკინდჲ გეგნაჸათჷ, გურ ვაგუჩჷ ქიმინელსჷ...
მარა ჭარილქ თე ამბესჷ ათეშნერი მეჩჷ ბოლო:
„თენა ხოლო გინილენსჷ!..“
იცალ ვერწემ ასე მირე, სოლომონცჷ ვადარენი,
იშ რჩქინასჷ მი მეჩანცჷ ჭარათ აკოკირილემცჷ?..
მარა მენდისჷ ქუძინანცჷ, უიმენდოთ ნამდგა რენი:
„თენა ხოლო გინილენსჷ!“
ფრევალიში (ფურთუთაში) 8, 2015 წანა,
ქართი.